Ի՞նչ կենդանիներ վերցրեց Նոյը. արդյո՞ք բոլոր տեսակներից զույգ–զույգ

Մենք գիտենք, որ...

Նոյը Աստծո հրամանով, բացի իր ընտանիքի անդամներից, տապան է վերցրել նաև մեկական զույգ՝ յուրաքանչյուր կենդանու և թռչնի տեսակներից՝ արու և էգ, ինչպես նաև ջրհեղեղը հաղթահարելու և վերապրելու համար անհրաժեշտ քանակի սնունդ նրանց ու իր ընտանիքի համար:

Իրականում այդպես չէ:

Ավետարանի Ծննդոց գրքում (7–րդ գլուխ) գրված է, որ Նոյը պարտավոր էր վերցնել մաքուր կենդանիներից 7 զույգ՝ արու և էգ, ոչ մաքուր կենդանիներից 1 զույգ՝ արու և էգ, մաքուր թռչուններից 7 զույգ՝ արու և էգ, ոչ մաքուր թռչուններից 1 զույգ՝ արու և էգ, և նաև այլ տեսակներ սողուններից և այլ կենդանիներից, որպեսզի նրանց տեսակները չկորչեն:

Ոչ մաքուր կենդանիները, ըստ Աստվածաշնչի, համարվում են նրանք, որոնց չէին օգտագործում սննդում և չէին զոհաբերում: Ավելի լայն իմաստով՝ սրանք այն կենդանիներն են, որոնց ժողովուրդը չէր օգտագործում սննդում՝ կապված որոշակի սովորույթների հետ կամ բժշկական հակացուցումների պատճառով:

Այն ժամանակ հրեաները մաքուր էին համարում այն կենդանիներին կամ թռչուններին, որոնց միսը կարելի էր ուտել. դրանք էին, օրինակ, ոչխարները, կովերը, այծերը, անտիլոպները, հավերը և այլն: Միակ անողնաշարավոր մաքուր կենդանին համարվում էր մորեխը, որին ևս ուտում էին: 

Խոսքը չի վերաբերում նրան, որ մաքուր կենդանին անպայման ընտանի կենդանին է: Օրինակ, ոչ մաքուր կենդանիներ էին համարվում նաև խոզերը, ուղտերը, ավանակները:

Միջին դարերում թալմուդիստները (հրեաների սուրբ գրքի՝ Թալմուդի գիտակներ և բացատրողներ) շատ երկար վիճում էին, թե ինչ պատահեց ձկների հետ համաշխարհային ջրհեղեղի ժամանակ: Որոշ մասն այն կարծիքին էր, որ նրանց թողել էին ինքնուրույն վերապրել ջրհեղեղը, իսկ որոշ մասը գտնում էր, որ Նոյը տապանում նրանց համար հատուկ ակվարիում էր պատրաստել: Հարցն այն է, որ Թալմուդում և Ավետարանում ձկների մասին խոսք չկա:

Նոյան տապանի մասին կարծիքները շատ են և բազմազան: Բազմաթիվ հետազոտողներ կարծիքներ են հայտնել, որ տապանի չափերը պետք է ահռելի լինեին, շատերն անհնար են համարել բոլոր կենդանիներից հավաքել, տեխնիկապես անհնար է համարվել տապանը կառուցել և այլն: Բայց փաստն այն է, որ Նոյան տապանի առասպելն առկա է բոլոր մշակույթներում: Կա ավելի քան 500 այդպիսի առասպել: Սա խոսում է այն մասին, որ Նոյան տապանն իրոք եղել է: 

Բոլորս գիտենք, որ Նոյան տապանը մինչև այժմ փնտրում են: Ըստ Աստվածաշնչի, այն կանգ է առել Արարատ լեռան գագաթին: Դեռևս բաբելոնական պատմաբան Բերոսսուսը մեր թվարկությունից առաջ 275 թվականին պատմել է Արարատի գագաթին իր տեսած նավի մասին: 15–րդ դարում ճանապարհորդ Մարկո Պոլոն գրել է, որ Արարատի գագաթին նկատվում էին տապանի կտորները: Արդեն մեր դարերում եղել են բազմաթիվ փորձեր՝ տապանը գտնելու ուղղությամբ, առկա են անգամ լուսանկարներ՝ տապանի նմանություններով: Բայց սովորաբար թուրքական իշխանությունները չեն թույլատրել հետագա պեղումները:

Երևի թե սա այն դեպքն է, որ հայերը պետք է պարծենան: Արարատը կամ Մասիսը միշտ էլ եղել է հայերինը, չնայած հիմա Թուրքիայի տարածքում է: Իսկ ահա ըստ հյուսիս-կովկասցիների, Նոյը կայանել է Էլբրուսի գագաթին: Վրացիներից ոմանք ավելի հեռուն են գնացել: Նրանք վարկած են հորինել, որ տապանը նավ չէ, այլ քարանձավ Վրաստանի տարածքում, որտեղ և պատսպարվել է Նոյն իր ընտանիքով ու կենդանիներով: Նրանք անգամ քարանձավի տեղն են ցույց տալիս: Զարմանալի լռություն է պահպանում միայն Ադրբեջանը, ուր հեքիաթներ ու պատմություն հորինելու գործում վարպետացել են. նրանք առայժմ չեն ապացուցում այն «ակնառու փաստը», որ Նոյան տապանը կայանել է Կասպից ծովի ափին՝ Բաքվի մոտ: 

Նյութը հրապարակման պատրաստեց Կամո Խաչիկյանը

loading...
ԵՄ-ն կասկածում է, որ Թուրքիան սիրիացի ներգաղթյալների համար հատկացվող գումարը նպատակային է օգտագործում Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը Նիկոլ Փաշինյանն ընդունել է ԵՄ անդամ պետությունների դեսպաններին «Ալյանս» կուսակցությունը միանում է ԲՀԿ-ին Հայաստանի և Արցախի հանրապետությունների բնապահպաններն իրականացնում են մասնագիտական քննարկումներ և փորձի փոխանակում Վարդանյանը մեզ համար ոգեշնչման աղբյուր էր. Սիմոն Մարտիրոսյան Հայկ Մարությանը չի բացառում, որ չի լինի «Իմ քայլը» դաշինքի ընտրական ցուցակում Քննչական կոմիտեն քրեական գործ է հարուցել քսանամյա կնոջ մահվան դեպքի առթիվ «Վեոլիա Ջուր»-ը տեղեկացնում է վթարային ջրանջատումների մասին Նոյեմբերի 13-ին՝ ժամը 18:00-ի դրությամբ, ազատ է արձակվել 465 դատապարտյալ Գագիկ Ծառուկյանը մասնակցել է լեգենդար ծանրորդի հրաժեշտի արարողությանը ՀՀ ԶՈՒ ԳՇ պետը հույն գործընկերների հետ քննարկել է հայ-հունական երկկողմ համագործակցության հարցեր Սամվել Մկրտչյանը նշանակվել է Լեհաստանում ՀՀ դեսպան Արմեն Սարգսյանը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը ԱԺ արտահերթ ընտրություններին արտերկրից կքվեարկի 729 ՀՀ քաղաքացի Իռլանդիայում ֆուտբոլիստները դաժան ծեծի են ենթարկել մրցավարին (ֆոտո) Հակամարտության կարգավորման հարցով բանակցությունների վարման ակտիվացո՞ւմ, թե՞ ռազմական գործողությունների վերսկսում Վերջին տարիներին կեսարյան հատումների աճ է նկատվում «Շիրակը» ՀՖՖ-ին կոչ է արել երեւանյան ակումբների դեմ խաղերը չվստահել մրցավարների Երեւանից ու Գյումրիից Եղանակը Հայաստանում. ջերմաստիճանը կնվազի
website by Sargssyan